Қазақстандық тауар өндірушілердің цифрлық тізілімі

Қазақстанда қазақстандық тауар өндірушілердің цифрлық тізілімі - өнімнің отандық шығарылуын растау рәсімін жеңілдетуге бағытталған жаңа мемлекеттік платформа жұмысын бастады. Тізілім Мемлекет басшысының тапсырмасы бойынша іске қосылды және ірі кәсіпорындарға, сондай-ақ шағын және орта бизнес өкілдеріне, стартаптар мен бастаушы өндірушілерге бағытталған.

ҚР өнеркәсіп және құрылыс министрлігінде хабарлағандай, платформа e-ondiris.gov.kz қосымша анықтамалар жинамай және мемлекеттік органдарға бармай-ақ, тіркеу процесін толығымен онлайн-форматта өтуге мүмкіндік береді. Жүйе мемлекеттік деректер базасымен біріктірілген, бизнеске арналған сервиске қолжетімділік тегін беріледі.

Қазақстандық тауар өндірушілердің цифрлық тізіліміне енгізілген компаниялардың қатарында "Қазақстан Агро Инновациялық Корпорациясы" ЖШС бар.  Тізілімге енгізу Компанияның отандық өндіруші ретіндегі мәртебесін растайды және мемлекеттік және квазимемлекеттік сатып алуларға, сондай-ақ өнеркәсіпті қолдау және дамыту бағдарламаларына қатысуға қолжетімділікті ашады.

"Қазақстандық Агро Инновациялық Корпорация" ЖШС Бас директоры Олег Балыбиннің айтуынша, цифрлық тізілімді іске қосу отандық бизнес үшін маңызды қадам болды: "жаңа формат өнімнің қазақстандық шығу тегін растау процесін едәуір жеңілдетеді, оны ашық әрі қолжетімді етеді. Өндірушілер үшін бұл әкімшілік кедергілерді жеңуге емес, инновацияларды дамытуға және енгізуге назар аударудың нақты мүмкіндігі".
Цифрлық тізілімді енгізу бизнеске бюрократиялық жүктемені азайтуға және отандық өндірісті дамыту үшін неғұрлым қолайлы жағдайлар жасауға бағытталған.